முழுநிலவு தலைப்பிறையை பொய்ப்பிக்குமா?!

சகோதர சகோதரிகளே அஸ்ஸலாமு அலைக்கும்.

றமழான் ஆரம்பம் – எனும் எனது முந்திய கட்டுரையைப் பார்த்ததன் பின்னர் அது தொடர்பாக பல நேர் – எதிரான எதிர்வினைகள் கிடைக்கப் பெற்றேன்.அவற்றில் இலங்கையில் றமழான் ஆரம்பிக்கப்பட்டது தொடர்பில் நாளொன்று தவறவிடப்பட்டுள்ளதாக சந்தேகம் எழுப்பப்பட்டிருந்தது. அந்தசந்தேகங்களுக்கு இரண்டு வகையான நியாயங்கள் முன்வைக்கப்பட்டன.

1.   தோற்றம் தந்த தலைப்பிறை அதிக பிரகாசம் உள்ளதாகவும், அதிக நேரம் வானில் தரித்திரந்ததாகவும் இருந்தது.

2.   இம்மாதத்திற்கான முழுநிலவு றமழான் 12ம் நாளில் ஏற்படுகின்றது என்பதுமாகும்.

பொது மக்கள் மத்தியில் இவ்வாறான சந்தேகம் ஏற்படுவதுவும், ஏற்படுத்தப்படுவதுவும் சகஜம் என்பதனால் இது விடயமாக தெளிவினை வழங்கவேண்டியது பொறுப்புள்ளவர்களின் கடமை என்பதனால் இதனை எழுதுகின்றேன்.

இதே போன்றதான சந்தேகம் எழுப்பப்படுவது இது முதல் தடவை அல்ல. இன்று நேற்றல்லாமல் நபித் தோழர்கள் காலத்திலேயே இவ்வாறான சந்தேகம்எழுப்பப்பட்ட போது அன்றே அந்து முதலாவது குர்ஆனிய சமூகம், நபிகளாரை கண்களால் கண்டு நடந்த சமூகம், அதன் தலைமைத்துவம் எவ்வாறு இந்தப்பிரச்சினையை அணுகியது என்பதற்கு நல்ல உதாரணங்கள் வரலாற்றில் இருக்கின்றன. இருந்தாலும் இன்றைய பிரச்சினையை வானியலின் துணைகொண்டு தெளிவு படுத்துவதே அவசியம் எனக் கருதுகின்றேன்.

முதலில் முதலாவது நியாயத்திற்கான நிலைமைகளை விளங்குவோம்.

அமாவாசை ஏற்பட்டதிலிருந்து சந்திரன் தலைப்பிறையாக தென்படும் அளவு வளர்ச்சியடைய (தலைப்பிறைத் தோற்றப் பிரமாணம்) எடுக்கும் நேரம் எல்லாமாதங்களிலும் ஒரே அளவானதாக இருப்பதில்லை. இந்த நேரம் பொதுவாக சுமார் 17 மணித்தியாலங்கள் முதல் 20 மணித்தியாலங்கள் வரை வேறுபடும்.இதற்குப் பல காரணிகள் இருந்தபோதும் பிரதான காரணியாக இருப்பது இக்காலத்தில் முட்டைவடிவ சந்திர ஒழுக்கில் சந்திரன் நிலைகொண்டிருக்கும்இடமும், அந்த இடத்தில் சந்திரனுக்கு இருக்கும் வேகமுமாகும்.

தலைப்பிறை தோற்றம் தருவது சூரிய அஸ்த்தமனத்தின் பின்னர் என்பதனால் தலைப்பிறையை எதிர்பார்க்கும் குறித்த சூரிய அஸ்த்தமனத்தின் போதுஅந்தக் காலத்திற்குரிய தலைப்பிறைத் தோற்ற பிரமாணத்தை சந்திரன் அடைந்திருக்குமாக இருந்தால் மிகவும் மெல்லிய தலைப்பிறை அன்றைய நாளில்தோற்றம் தரும். சூரிய அஸ்த்தமனத்தின் போது தலைப்பிறைத் தோற்றப் பிரமாணத்தைச் சந்திரன் அடையவில்லை என்றால் அந்நாளில் தலைப்பிறைதோற்றம் தராது. சூரியனைத் தொடர்ந்து சந்திரனும் அஸ்த்தமித்துவிடும்.

அந்தச் சந்திர அஸ்த்தமனத்தின் பின்னர் சில நொடிகளில் தலைப்பிறைத் தோற்றப் பிரமாணத்தைச் சந்திரன் அடைந்துவிட்டாலும் அன்றைய நாளில்தலைப்பிறை தொற்றம் தரமாட்டாது. ஏனெனில், தலைப்பிறைத் தோற்றப்பிரமாணத்தைச் சந்திரன் அடைந்தபோது நக்குத் தொற்றம் தருவதற்குச் சந்திரன்வானில் இல்லை. இனி தலைப்பிறைக்காக அடுத்த சூரிய அஸ்த்தமனம் வரை காத்திருக்க வேண்டியதுதான். இச்சந்தர்ப்பத்தில் தோற்றும் பிறைதலைப்பிறைத் தோற்றப் பிரமாணத்தை அடைந்ததிலிருந்து சுமார் 24 மணித்தியாலங்கள் வளர்ச்சியடைந்த பிறையாக இருப்பதன் காரணமாக அதுபிரகாசத்தில் கூடியதாகவும், அதிக நேரம் வானில் தரித்திருப்பதாகவும் இருக்கும்.

இந்த அடிப்படைகளைப் புரிந்து கொண்டு இம்முறை நடந்திருப்பது என்ன? என்பதனை ஆராய்வோம்.

இலங்கைக்கு றமழான் மாதத்திற்குரிய முந்திய அமாவாசை ஏற்பட்டது 31.07.2011ம் திகதி ஞாயிற்றுக்கிழமை அதிகாலை 00.04 மணிக்காகும். அதாவது 31ம்திகதி ஞாயிற்றுக் கிழமை ஆரம்பமாகி 04 நிமிடங்களில்தான் அமாவாசை ஏற்பட்டது. அவ்வாறாயின் ஞாயிற்றுக் கிழமை சூரிய அஸ்த்தமனத்தின் போதுஅமாவாசையின் பின்னான சந்திரனின் வயது 18 மணித்தியாலங்களும் 26 நிமிடங்களுமாகும். இது சந்திர ஒழுக்கில் சந்திரன் புவியிலிருந்து தூரமாக(369005.24 Km) இருக்கும் காலமாகும் என்பதனால் தலைப்பிறைத் தோற்றப் பிரமாணத்தை அடைய சந்திரன் அதிகளவு நேரத்தை எடுக்கும்.

குறித்த சூரிய அஸ்த்தமனத்தின் போது - சந்திரனின் அமைவிடம் மேற்குத் தொடுவானிலிருந்து சுமார் ஆறு பாகை (05°:52':07") உயரம் மாத்திரமே.சந்திரனிலிருந்து புவியை நோக்கித் தெறிப்படையும் ஒளியின் அளவானது முழுநிலவின் பிரகாரத்திலும் 0.82 வீத பிரகாசத்தை ஏற்படுத்தவேபோதுமானதாகும். சூரியனுக்கும் சந்திரனுக்கும் இடையிலான கோணப் பிரிக்கை 06°:42':02" பாகையாகும். எனவே, சூரிய அஸ்த்மனத்தின் போதுசூரியனினால் வானில் ஏற்படுத்தப்படும் பிரகாசம் (twilight) சந்திரனது பிரகாசத்தையும் விட அதிகமாக இருப்பதனால் சூரிய அஸ்த்தமனத்தின் போதுதலைப்பிறை தோற்றம் தரவில்லை.

சூரிய அஸ்த்தமனத்தின் பின்னர் 28 நிமிடங்களாகும் போது சந்திரனும் அஸ்த்மித்து விடும். இந்த அஸ்த்தமன நேரத்தில் கூட சூரிய – சந்திர கோணப்பிரிக்கை 06°:40':21" பாகையும். சந்தரப் பிரகாசம் 0.86 வீதமுமே ஆகும். இப்போதும் கூட வானத்தின் பிரகாசத்தை (twilight) மீறிக் கொண்டு தோற்றம் தரும்அளவுக்கு சந்திரன் பிரகாசம் அடையவில்லை. எனவே சந்திர அஸ்த்தமனத்தின் போதும் பிறை தோற்றம் தரவில்லை.

இப்பொழுது தலைப்பிறைக்காக அடுத்த சூரிய அஸ்த்தமனம் வரை காத்திருக்க வேண்டி ஏற்பட்டது.

01.08.2011ம் திகதி திங்கட்கிழமை சூரிய அஸ்த்தமனத்தின் போது அமாவாசையின் பின்னான சந்திரனின் வயது 42 மணித்தியாலங்களும் 26நிமிடங்களுமாகும். எனவே தோற்றம் தரப்போகும் தலைப்பிறை பிரகாரத்தில் கூடியதாக இருக்கும் என்பது வெளிப்படை.

திங்கட்கிழமை சூரிய அஸ்த்தமனத்தின் போது மேற்குத் தொடுவானத்தில் சந்திரனின் அமைவிடம் 17°:48':37" பாகை உயரமும், சூரிய – சந்திரகோணப்பிரிக்கை 18°:38':31" பாகையும், சந்திர ஒளிப் பிரகாசம் 4.12 வீதமும் ஆகும். சூரிய அஸ்த்தமனத்தின் பின்னர் சந்திரன் 1 மணித்தியாலமும் 18நிமிடங்களும் வானில் தரித்திருந்தது.

இந்த நிலமைகளில் அதிக பிரகாசமான பிறை, தொடுவானிலிருந்து அதிக உயரத்தில், சூரிய அஸ்த்தமனத்தின் பின்னர் அதிக நேரம் வானில் தோற்றம்தந்தது.

பிறை என்பது ஒரு பொருள் அல்ல. வான் பொருட்களில் பிறை என்றோ, முழுநிலவு என்றோ ஒன்றும் கிடையாது. அங்கு சந்திரன் என்பதுதான்இருக்கின்றது. சந்திரன் தேய்வதும் இல்லை, வளர்வதும் இல்லை. ஆனால் சந்திரனின் விம்பமே பிறையாகும். விம்பம் தேய்யும், வளரும். இது சந்திரனின்தோற்றப்பாடாகும். சந்திரன் இருப்பது வானில், பிறை இருப்பது பார்ப்பவரின் கண்ணில். எனவே ஞாயிற்றுக் கிழமை வானில் பிறை இருந்தது, ஆனால்,தவறவிடப்பட்டு விட்டது என்று சொல்வது தப்பாகும். தேற்றம் தரும்போதே சந்திரன் பிறையாகின்றது.

ஞாயிற்றுக் கிழமை வானில் சந்திரன் இருந்தது, புவியில் பிறை தெரியவில்லை. திங்கட்கிழமை வானில் சந்திரன் இருந்தது, புவியில் பிறை தெரிந்தது.என்பதுதான் உண்மை. எனவே இலங்கையில் தலைப்பிறை தோற்றம் தந்தது பற்றியும், றமழான் ஆரம்பிக்கப்பட்டது பற்றியும் யாரும் சந்தேகம் கொள்ளத்தேவையில்லை.

இனி றமழான் 12ம் நாளில் முழு நிலவு தோற்றம் தருவது தொடர்பான இரண்டாவது சந்தேக நியாயம் தொடர்பாக ஆராய்வோம்.

அமாவாசை ஏற்பட்டதிலிருந்து முழு நிலவு ஏற்படுவதற்கு எடுக்கும் காலம் எல்லாக் காலங்களிலும் (தலைப்பிறை தோற்றப் பிரமாணத்துக்கு எடுக்கும்காலத்ததைப் போலவே) ஒரே அளவானதாக இருப்பதில்லை. இதனைப் பின்வரும் உதாரணம் மூலம் விளங்குவோம். கீழே தரப்பட்டிருப்பது 2011ம் ஆண்டில்அமாவாசை ஏற்படும் காலங்களும், முழுநிலவுக் காலங்களும், அவை இரண்டிற்கும் இடைப்பட்ட கால அளவுகளுமாகும். சந்திரன் முழுநிலவாக ஆகும்போது புவிப்பரப்பில் இரவாகவோ பகலாகவோ இருக்கலாம் என்பதனைக் கவனத்தில் கொள்ளுங்கள்.

 அமாவாசைக் காலம்     முழுநிலவுக் காலம்      இடைவெளி  

  திகதி      நேரம்       திகதி        நேரம்    நாள்  மணி  நிமி

 04/01/2011  16:14    20/01/2011  04:53   15d  12h  09m

 03/02/2011  06:13    18/02/2011  13:28   14d  21h  31m

 05/03/2011  01:40    19/03/2011  23:06   14d  21h  26m

 03/04/2011  21:24    18/04/2011  09:20   14d  11h  56m

 03/05/2011  12:23    17/05/2011  15:24   13d  03h  01m

 02/06/2011  01:51    16/06/2011  02:51   13d  01h  00m

 01/07/2011  15:35    15/07/2011  12:09   13d  20h  14m

 31/07/2011  00:04    14/08/2011  01:04   14d  01h  00m

 29/08/2011  06:56    12/09/2011  14:06   14d  07h  10m

 27/09/2011  18:07    12/10/2011  09:02   14d  14h  55m

 27/10/2011  01:01    11/11/2011  03:09   15d  02h  18m

 25/11/2011  11:09    10/12/2011  18:12   15d  07h  03m

அமாவாசை ஏற்பட்டு அதிலிருந்து முழுநிலவு ஏற்படுவதற்குரிய கால அளவு எல்லாக் கலத்திலும் சமனாக இருப்பதில்லை என்பதனை மேலே உள்ளஅட்டவணையிலிருந்து புரிந்து கொள்ளலாம்.

தலைப்பிறை தோற்றம் தருவதற்கு அமாவாசையிலிருந்து அரை நாள் முதல் சுமார் இரண்ட நாள் வரை கால வேறுபாடு இருப்பது போல,அமாவாசையிலிருந்து முழுநிலவு ஏற்படுவதற்கு எடுக்கும் கால அளவும் பதினைந்தரை நாட்கள் முதல் பதின் மூன்று நாட்கள் வரை வேறுபடுகின்றது.மிகக் குறுகிய காலத்திற்கும் கூடிய காலத்திற்கும் இடையில் இரண்டரை நாட்கள் வித்தியாசம் ஏற்படுகின்றது.

எந்தச் சூரிய அஸ்த்தமனத்தின் பின்னர் முழுநிலவு நிலை ஏற்படுகின்றதோ அந்தச் சூரிய அஸ்த்த மனத்திற்கு முந்திய பகல் முழுநிலவு நாளாகநாட்காட்டியில் குறிக்கப்படுகின்றது. 13ம் திகதி முழுநிலவு நாள் என நாட்காட்டியில் குறிக்கப்பட்டிருந்தாலும் முழு நிலவு ஏற்படுவது 14ம் திகதி நள்ளிரவு 1மணி 04 நிமிடத்திலாகும். இந்த முழுநிலவு நிலைக்கு முந்திய சூரிய அஸ்த்தமனம் 13ம் திகதிய சூரிய அஸ்த்தமனமாகும். எனவே நாட்காட்டியில் 13ம்திகதி முழுநிலவு நாளாகக் குறிக்கப்பட்டிருக்கின்றது. இது சந்திரனுக்கு சூரிய நாட்காட்டியை பிரயோகிக்கும் போது ஏற்படும் விடயமாகும்

எவ்வாறாயினும் இம்முறை அமாவாசைக்குப் பின்னர் 14 நாட்கள் 7 மணித்தியாலங்கள் 55 நிமிடங்களிலேயே முழுநிலவு நிலை ஏற்படுகின்றது. அவ்வாறேதலைப்பிறை தோற்றம் தந்ததிலிருந்து 12 நாட்கள் 13 மணித்தியாலங்கள், 29 நிமிடங்களில் முழுநிலவு ஏற்படுகின்றது. உண்மையில் தலைப்பிறை தோற்றம்தந்ததிலிருந்து பன்னிரண்டரை நாட்கள் முடிந்ததன் பின்னரே முழு நிலவு ஏற்படுகின்றது.

எனவே முழுநிலவு தலைப்பிறையைப் பொய்ப்பிக்காது.